Skip to content

Humbën jetën nga rrjedhja e gazit në banesën e tyre në Itali, zbardhen EMRAT e familjes shqiptare

Janë zbardhur detaje të reja në lidhje me tragjedinë që ndodhi në Lucca, Itali, ku katër anëtarë të një familje shqiptare humbën jetën si pasojë e një rrjedhjeje të gazit.

Viktimat janë: Arti Kola, 48 vjeç, bashkëshortja e tij Jonida, 42 vjeçe, dhe dy fëmijët e tyre, Hajdar, 23 vjeç, dhe Xhesika, 15 vjeçe. Një person i pestë, vëllai i kryefamiljarit, u lëndua dhe po merr trajtim në spital.

LEXO EDHE:  I ftohti polar vjen më herët këtë dimër, ja çfarë parashikojnë meteorologët

Tragjedia ndodhi mbrëmjen e së mërkurës, më 4 shkurt 2026, ndërsa dyshohet se shkak ishte një defekt në kaldajën e banesës trekatëshe të tyre.

LEXO EDHE:  Incident tr*nditës në Klinikën e Gjinekologjisë: Foshnjës dyditëshe i pritet një pjesë e gishtit me gërshërë!

Sipas autoriteteve, gjatë hyrjes në banesë, ekipet e shpëtimit kanë gjetur tryezën të shtruar, çka tregon se familja ishte përgatitur për të ngrënë.

Alarmin e ka dhënë pikërisht vëllai i kryefamiljarit, i cili njoftoi karabinierët. Pasi mbërritën në banesën trekatëshe dhe nuk morën asnjë përgjigje pas trokitjeve të shumta, ata u detyruan të thyejnë derën.

LEXO EDHE:  Nëse shihni këtë gjë në derën e shtëpisë tuaj, lajmëroni urgjent policinë

Brenda banesës, forcat e rendit u përballën me një skenë dramatike, katër trupa të pajetë të shtrirë në dysheme. Autoritetet vijojnë hetimet për zbardhjen e plotë të rastit.

Published inLAJMI