Protestat në kryeqytet do të vijojnë edhe sot, me disa grumbullime të paralajmëruara gjatë ditës
Studentët kanë paralajmëruar protestë në orën 14:00 para Ministrisë së Arsimit. Ende nuk dihet itinerari i tyre dhe se si do të jetë tubimi i sotëm, pasi një javë më parë situata u tensionua në disa momente.
Protesta e studentëve vjen pas tubimit të së shtunës së kaluar, gjatë të cilit të rinjtë nuk pranuan që përfaqësues dhe mbështetës të Partisë Demokratike t’u bashkoheshin protestës së tyre.
Ndërkohë, në orën 12:00, Partia Demokratike ka thirrur një protestë para Kryeministrisë.