Skip to content

Horror, nëna sulmon me thikë tre fëmijët e saj në makinë, humbin jetën vëllezërit 5 dhe 1 vjeç

Një ngjarje e rëndë tronditi zonën e Blue Mountains, në perëndim të Sydney-t, të dielën pasdite. Një grua 42-vjeçare dyshohet se ka goditur me thikë tre fëmijët e saj, 5, 3 dhe 1 vjeç, ndërsa ndodheshin brenda një automjeti në Valley Heights.

Fëmija 5-vjeçar humbi jetën në vendngjarje, pavarësisht përpjekjeve të kalimtarëve për t’i dhënë ndihmën e parë. Dy fëmijët e tjerë u dërguan me urgjencë në spital me plagë të rënda.

LEXO EDHE:  Bushati rrefen cfare nuk dine socialistet

Por pesë ditë pas ngjarjes, policia njoftoi se edhe fëmija 1-vjeçar ka ndërruar jetë në spital. Ndërkohë, fëmija 3-vjeçar vijon të jetë në gjendje kritike.

Nëna është arrestuar dhe ndaj saj është ngritur një tjetër akuzë për vrasje pas vdekjes së fëmijës 1-vjeçar. Ajo do të qëndrojë në paraburgim deri në paraqitjen e radhës në gjykatë.

LEXO EDHE:  Rama tallet me opozitën: Nuk i pranojnë t’i afrohen protestës, nuk janë as fizikisht, as politikisht

abai i fëmijëve ka qëndruar në spital së bashku me pjesëtarë të tjerë të familjes. Sipas një burimi pranë familjes, ai ndodhej në punë kur mori lajmin tragjik. Ai kishte menduar se bashkëshortja kishte dalë me fëmijët për një piknik, por u njoftua se djali pesëvjeçar kishte humbur jetën. Që prej atëherë, ai është në spital, duke u kujdesur për 3-vjeçarin e mbijetuar.

LEXO EDHE:  Përkeqësohet moti, reshje dhe stuhi të forta, ja qarqet që rrezikojnë sot dhe nesër

Ngjarja u zbulua nga dy çiklistë, të cilët gjetën automjetin me dyert e hapura dhe gruan të shtrirë e të gjakosur pranë tij. Ata u dhanë ndihmën e parë gruas dhe fëmijëve dhe njoftuan shërbimet e emergjencës. Policia e ka përshkruar skenën si jashtëzakonisht tronditëse.

Published inLAJMI