Skip to content

“Ky është Parlamenti bosh”/ Topalli: Turp, po kaloni 10 miliardë dollarë pa kryetar Kuvendi e pa kryeministër

Deputetja e Partisë Demokratike, Jozefina Topalli, ka kritikuar largimin e kryetarit të Kuvendit, Niko Peleshi, dhe kryeministrit Edi Rama, teksa në Parlament po diskutohet projektbuxheti i vitit 2027.

Topalli theksoi se është një turp që Parlamenti është bosh dhe se 10 miliardë do të kalohen me vota nga ata që ndodhen nën hetim nga drejtësia, pa kryetar Kuvendi dhe pa Kryeministër.

“Pasi ka ikur Kryeministri, iku edhe kryetari i Parlamentit. Kjo nuk është seanca e buxhetit të 10 miliardë dollarëve që do t’u merrni qytetarëve po seanca e Parlamentit bosh. Ky është një Parlament bosh.

Ky është buxheti juaj i fundit, por edhe turpi është i juaji që kaloni 10 miliardë dollarë me vota të atyre që keni në hetim, pa kryetar Kuvendi dhe pa kryeministër”, tha Topalli./ CNA

Published inLAJMI