# Erion Veliaj i drejtohet me letër publike Belinda Ballukut: Kërkon miratimin e operacionit në Tiranë
Kryetari i Bashkisë së Tiranës, Erion Veliaj, i ka drejtuar një letër publike ish-zëvendëskryeministres Belinda Balluku, përmes së cilës kërkon ndërhyrjen e saj për të mundësuar kryerjen e një operacioni në Tiranë, pranë mjekut të tij dhe familjes.
Në letrën e publikuar, Veliaj pretendon se prej rreth një muaji po mbahet në izolim në IEVP-në e Fierit, pavarësisht se ka një këmbë të thyer dhe ka nevojë urgjente për ndërhyrje kirurgjikale.
Ai shprehet se kërkesat e tij të përsëritura drejtuar kryeministrit Edi Rama, ministrit Gogu dhe drejtoreshës së Burgjeve nuk kanë marrë përgjigje.
Veliaj pretendon gjithashtu se brenda institucionit të vuajtjes së dënimit ekziston perceptimi se vendimet e rëndësishme nuk merren më nga kryeministri, por se për zgjidhjen e çështjeve duhet t’i drejtohen Belinda Ballukut.
Duke iu referuar kësaj situate, ai thotë se po i drejtohet Ballukut me kërkesën për të miratuar transferimin e tij në Tiranë, ku dëshiron të kryejë operacionin pranë mjekut që e trajton dhe të jetë më afër familjes.
Në fund të letrës, Veliaj e nënshkruan veten si “socialisti me duar të lidhura”, duke e mbyllur mesazhin me një ton kritik ndaj situatës në të cilën pretendon se ndodhet.
**Më poshtë letra e plotë e Erion Veliajt:**
