Marrëdhënia mes koreografit të njohur Albi Nako dhe balerinës Doris Staka ka tërhequr vëmendjen e publikut që nga momenti kur ata zgjodhën ta bënin publike lidhjen e tyre. Shfaqjet e përbashkëta në publik dhe veçanërisht propozimi për martesë konsoliduan imazhin e tyre si një çift mjaft i përfolur, duke ngritur pritshmëri për hapa të mëtejshëm drejt konsolidimit të raportit.
Së fundmi, sinjalet e dhëna nga dyshja kanë ngritur dyshime mbi vazhdimësinë e kësaj lidhjeje dashurie. Prej kohësh ata nuk janë parë më së bashku në ambiente publike, çka ka nxitur diskutimet për një krisje ose ndarje të mundshme mes tyre.
Këto dyshime përforcohen edhe nga veprimet e fundit në rrjetet sociale. Ndonëse Albi Nako dhe Doris Staka vazhdojnë të ndiqen reciprokisht ne platformat digjitale, ata kanë fshirë të gjitha fotografitë dhe kujtimet e përbashkëta. Mes pamjeve të larguara figuron edhe momenti i propozimit për martesë, detaj ky që ka rënë menjëherë në sy të ndjekësve.
