Një ngjarje e rëndë ka ndodhur ditën e sotme në fshatin Kocul, në Vlorë, ku një elektricist 45-vjeçar ka humbur jetën në krye të detyrës, pasi mësohet se ka rënë në kontakt me rrymën elektrike.
Burie për mediat bëjnë me dije se viktima është Altin Petanaj, rreth 45 vjeç, i cili ishte pjesë e grupit të punës së Drejtorisë së Tensionit të Lartë.
Ngjarja e rëndë mësohet se ka ndodhur teksa grupi i punonjësve po kryente punime riparimi në nënstacionin elektrik të fshatit Kocul.
Sakaq, në vendngjarje kanë mbërritur shërbimet e Policisë, të cilat kanë nisur hetimet për të zbardhur rrethanat dhe shkaqet e aksidentit në punë.