Një ngjarje e rëndë është regjistruar në qytetin e Durrësit, ku një person është gjetur pa shenja jete në zonën e Shkozetit. Trupi i pajetë është konstatuar në rrugën kryesore të kësaj zone, duke ngritur dyshime për rrethanat e ngjarjes.
Deri më tani nuk ka informacion mbi identitetin e viktimës dhe as për shkaqet që mund të kenë çuar në humbjen e jetës. Rrethanat e rastit mbeten ende të paqarta, ndërsa pritet të zbardhen nga hetimet e autoriteteve.
Policia pritet të dalë me një njoftim zyrtar për ngjarjen, për të sqaruar identitetin e personit, shkakun e vdekjes dhe dinamikën e plotë të rastit.