Skip to content

Gjenden probleme të mëdha tek Liqeni Artificial, ja cka ndodhur qe prej 2015

Tufa peshqish të ngordhur janë shfaqur në sipërfaqen e Liqenit Artificial të Tiranës duke rikthyer vëmendjen te gjendja e tij mjedisore. Pas kësaj situate qëndron një problem më i gjerë, i lidhur me ndotjen e ujit, shkarkimet e ujërave të patrajtuara dhe mungesën e masave konkrete nga institucionet përgjegjëse. Kontrolli i Lartë i Shtetit ka bërë një auditim ku ka gjetur se ka shkarkime ujërash të ndotur që nuk i janë nënshtruar trajtimit. Siç raporton Top Channel, në raportin e KLSH-së, në ujë është konstatuar lulëzimi i cianobakterit “Microcystis aeruginosa” që mund të çlirojë toksina gjatë shpërbërjes së qelizave.

LEXO EDHE:  “Zoti është i madh”: Vogëlushja shqiptare sfidoi vd*ekjen dhe fitoi betejën për jetën!

“Dukuria e ngordhjes së peshqve në mënyrë masive dhe dalja e tyre në sipërfaqe për shkak të mungesës së oksigjenit e konfirmon gjendjen e degraduar”, thuhet në raportin e KLSH-së.

Në mungesë të një rrjeti kanalizimesh brenda territorit të parkut, disa prej subjekteve përdorin zgjidhje individuale, si gropat septike, të cilat, sipas raportit, nuk monitorohen nga institucionet shtetërore.

LEXO EDHE:  I riu denoncoi dh*nën në Komisariatin 1, Shehaj përplaset me policinë në spital: Po i bëjnë presion që të ndryshojë dëshminë (Video)

KLSH evidenton gjithashtu se Bashkia e Tiranës nuk ka hartuar një plan menaxhimi për liqenin, që të përcaktojë përgjegjësitë dhe bashkëpunimin mes institucioneve vendore e qendrore. Sipas auditimit, ky plan do të duhej të garantonte zhvillimin e qëndrueshëm të zonës dhe identifikimin e ndalimin e shkarkimeve të ujërave të ndotura që përfundojnë në liqen.

Problematika shtrihet edhe te monitorimi mjedisor. Edhe pse Liqeni Artificial i Tiranës është pjesë e Programit Kombëtar të Monitorimit të Mjedisit, KLSH konstaton se Agjencia Kombëtare e Mjedisit nuk ka kryer monitorime vjetore për të gjatë periudhës 2021–2024, madje as në vitet e mëparshme, të paktën që nga viti 2015.

LEXO EDHE:  “Kur vajza të fërkohet vetë, unë mashkull jam”, u njohën në TikTok, pinë kafe dhe kreu marrëdhënie me të miturën, i hidhen prangat 37-vjeçarit dhe 46-vjeçares që i njohu bashkë (NGJARJA E PLOTË)

Mungesa e bashkëpunimit mes institucioneve dhe mosmarrja e masave konkrete kanë penguar, sipas auditimit, zgjidhjen e problemit. Ndërkohë, shfaqja e peshqve të ngordhur në sipërfaqe rikthen shqetësimin për gjendjen e liqenit dhe pasojat që ndotja mund të ketë për mjedisin dhe qytetarët.

Published inLAJMI