Skip to content

Familja ishte në dasmë, hajdutët vjedhin banesën, zhduken 15 milionë lekë dhe bizhuteri

Një grabitje ka ndodhur gjatë natës së të martës në fshatin Shelegar të Bashkisë Sarandë, ku një banesë ka rënë pre e hajdutëve ndërsa familjarët ndodheshin në një event familjar.

Nga kontrolli paraprak mësohet se hajdutët kanë shfrytëzuar faktin që shtëpia e kryefamiljarit Mejdi Tusha ishte e pabanuar, pasi të gjithë anëtarët e familjes ndodheshin në dasmën e një të afërmi të tyre.

LEXO EDHE:  “Ohh kryetar çfarë është ky…” – Tjetër video e nxehtë e kryebashkiakut me me punonjesen e tij

Ngjarja u zbulua kur një nga pjesëtarët e familjes u kthye në banesë dhe u përball me rrëmujën e madhe në dhomat e shtëpisë, duke kuptuar menjëherë se aty kishin hyrë persona të paautorizuar.

Sipas burimeve nga familjarët, autorët – që dyshohet se kanë qenë dy persona – kishin vëzhguar lëvizjet e familjes Tusha dhe kishin pritur momentin e duhur për të goditur.

LEXO EDHE:  Shkëputet një pjesë e fasadës së pallatit, rrezikohen kalimtarët, thuhet se ka…

Për të shmangur identifikimin nga organet e rendit, hajdutët u treguan të kujdesshëm duke shkatërruar fillimisht kamerën e sigurisë që ndodhej e montuar në banesë, përpara se të depërtonin brenda.

“Nga banesa e Mejdi Tushes janë vjedhur rreth 15 milionë lekë të vjetra si dhe disa bizhuteri me vlerë,” bëjnë të ditur burime pranë familjes.

LEXO EDHE:  34-vjeçarja rrëfen momentet e tm*rrit me dajën e Zegjinesë: Ja si u tentua të fshihej ngjarja

Pas denoncimit të menjëhershëm, shërbimet e Policisë së Sarandës mbërritën në vendngjarje bashkë me grupin hetimor për të këqyrur skenën e krimit dhe për të mbledhur provat materiale.

Aktualisht, grupi hetimor po punon intensivisht për identifikimin e plotë, lokalizimin dhe kapjen e autorëve, si dhe për zbardhjen e të gjitha rrethanave të kësaj vjedhjeje.

Published inLAJMI